Semester break除左開會、備課、Exam Scripts Viewing，還要做Academic Counselling。以往Counselling的時候，我通常會問以下問題：
根據同學的不同答案，我會有不同建議，但今年我加多一條問題：
Carmen：你幾點瞓覺？
同學：一點幾，兩點啦……
Carmen：做咩咁夜都唔瞓？ 有咩做？
同學：上吓網囉……
Carmen：你係咪成日都覺得温書好難集中？ 好攰？ 成日遊魂？
同學：emm…都係……
Carmen：你咁攰咪就係你太夜瞓囉！ 你知唔知咁夜瞓對身體唔好架！你唔夠瞓，對住啲書點温都唔會入腦。今個學期開始，你想有好成績，最遲12點要瞓覺喇！唔好再咁夜瞓呀！
點解今年我會問同學幾點瞓覺？
因為根據不同的報導，睡眠對健康及記憶十分重要。睡眠可讓腦部休息，有助修復人體細胞，使我們有健康的體魄，同時整理大腦記憶，令新的知識深印在腦海內。睡眠時腦部會轉換成另一個模式，令腦部神經功能系統像電腦一樣重新整理，睡醒後能恢復高效率運作，也能令免疫系統修復，令肌肉及骨骼生長。
睡眠不足可影響腦部不同區域，如影響小腦令反應變慢、影響海馬體令記憶力或分析力下降、免疫系統下降、血壓控制較差、提高患上心血管疾病的風險。睡眠不足有時更會影響心理及社交。心理方面，長期缺乏足夠睡眠會容易脾氣暴躁，常焦慮及憂心自己的失眠問題，情緒差又導致失眠的出現，形成惡性循環。睡眠不足使人難以集中，判斷力下降，反應及體力都不如以往，影響社交的動力，故必須有足夠睡眠。每晚最佳的睡眠時間是11點，因為一般人的生理時鐘是晚上11時睡覺，早上7時醒來。
上個Semester，老師們都覺得Stage 1同學們的態度較散慢、欠缺自信心和積極態度，導致成績較以往差。缺乏足夠睡眠可能是其中一個因素，或者我們可以在Semester 2的Freshmen Seminar提醒同學們，足夠睡眠的重要性。
資料參考：
〈睡眠解密：六成人無正視失眠〉 ，《 蘋果日報》，2014年1月15日
〈喜愛夜蒲 失眠抑鬱〉 ，《蘋果日報》，2014年 1月21日
〈腦部睡眠中「更新」 保高效運作〉 ，《 蘋果日報》，2014年 1月21日
Madison, W. (2014, January 9). Sleep is the price the brain pays for learning .
Reese, S. (2014, January). Sleep helps memory .